玩出事了。美國猶他州，有位青年跟風玩網上熱潮玩太大，蒙眼駛車，撞到另一架車，可能面臨檢控。當地電視台報道，17歲的司機載着16歲的乘客，兩人忽然心血來潮玩《Bird Box》蒙眼挑戰。什麼？你剛好是從火星回地球，沒聽過？《Bird Box》挑戰是基於Netflix人氣恐怖電影《蒙上你的眼》裡面，珊迪娜布洛蒙眼避過恐怖怪獸的橋段。挑戰現在於網上火紅，好多人拍自己蒙眼做不同的任務，今次在猶他州雷頓城呢個17歲的女車神，就好天才咁用冷帽蒙眼，駛着卡車好似好型，以為條大街上沒有其他車，卒之撞向對面線的車，就滑向前面燈柱，最後到路邊隔音牆就着陸了。在推特上，雷頓城警察就分享了架車肇事以後的模樣，仲咁樣寫：開車玩Bird Box挑戰，就預左啦。這宗上周一發生的交通意外，好彩無人受傷。Netflix之前已在推特發文，講到明《Bird Box》動作經過專人訓練，家庭觀眾就算要模仿都唔好受傷。我們也不知道這個熱潮是如何開始，多謝大家的厚愛，但Netflix的2019新年願望，是拜託各位跟潮流的阿仔阿女不要出事。當地電視台就話，後生仔女危險駕駛係會被檢控的。當地就有個警察話：老老實實，要呼籲開車不要蒙眼，講出來都好尷尬。玩時玩，為了一部電影，犯不着用性命來冒險，難道不是常識嗎？