相信不少Snoopy迷都知道神戶的Peanuts Hotel即將開幕，大家又多一個地方可以造訪《花生漫畫》的朋友仔。而在開幕之前，Snoopy特別照顧香港粉絲，同DING DONG宅配便、LOG-ON合作，登陸太古城中心開期間限定pop-up store，同大家chill住過summer！
今次Snoopy於限定店為我們帶來四個專區，分別為“Chill” as Snoopy Summer Hut主區、木藝音樂區、模型遊樂區及Manual Factory專區，大小朋友都啱玩。另外，Snoopy同Woodstock亦會於場內不同角落出現，可以盡情找他們selfie打卡。
“Chill” as Snoopy Summer Hut主區以美國六、七十年代格調結合夏威夷風為主題，無論裝潢去到今次全球獨家首發的系列產品，都充滿著濃濃的復古味道。區內又會找到Snoopy小食亭，有多款《花生漫畫》朋友仔造型的冬甩、泡芙及雪條，可愛到令人不捨得放入口。而為了令大家夏日過得更爽，Snoopy舉辦了一個有獎小遊戲，凡於主區內消費，包括購買小食，就會獲得印仔一個，另外再蓋上LOG-ON Cafe及遊戲大使的印仔後就可以換領Snoopy紙扇一把。遊戲只限每日頭150位消費人士參與，大家有興趣的話記得早點去呀！
其他區域都有好多可愛Snoopy產品同打卡位！
“Chill” as Snoopy限定店
日期：即日至8月6日
時間：10:30am至9:30pm
地點：太古城中心2/F中橋