請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

生活

39歲莊思敏與台灣富商閃婚 山頂拍拖似初戀!原來老公係台灣知名茶飲店老闆

Sundaykiss

更新於 2020年02月26日01:54 • 發布於 2020年02月26日09:05

馬來西亞拿督千金莊思敏(Jacquelin)自2011年同拍拖5年的歌手吳浩康分手後,雖然一度同導演葉念琛傳過緋聞,但一直未再公開拍拖。直到上年9月終於公開與台灣商人楊秉逸(Brian)的戀情,兩人一拍即合,拍拖未滿1年已經認定對方、情定終生。莊思敏最近更被發現已經在今年2月21日入紙結婚,成功在40歲前「泊岸」!老公楊秉逸同莊思敏一樣都係有錢人,仲被發現係台灣呢間知名茶飲店老闆?

撰文:東方新地|編輯:Sunday Kiss|圖片:東方新地

莊思敏40歲前入紙結婚!老公係台灣「柒品茶」店老闆

現年39歲莊思敏自宣布與台灣珍珠奶茶店的老闆Brian拍拖後,可謂愛得黐纏,甚至在情人節時隔空傳情,表示:「親愛的,情人節快樂。雖然現在你在香港,但希望在未來的日子裏我們每天都是情人節。Love you。」

而今日(21/2)就有媒體發現他們已經入紙排期註冊,據知,Brian的中文名字楊秉逸,職業報稱為公司董事,比莊思敏大一歲。

據網上資料顯示,楊秉逸是沛品國際餐飲有限公司負責人,旗下茶飲店是位於文山區的「N.7 Tea Lounge 柒品茶」,門市在去年5月底開業,據了解當時楊氏已經與莊思敏在蜜運之中:

莊思敏的ig偶然會張貼與男友的合照,每次都會採用美顏效果,網友都笑說「P埋條仔」。
莊思敏的ig偶然會張貼與男友的合照,每次都會採用美顏效果,網友都笑說「P埋條仔」。
莊思敏老公的茶飲店,據報名稱叫做「柒品茶」,去年5月底正式開業。
莊思敏老公的茶飲店,據報名稱叫做「柒品茶」,去年5月底正式開業。
結婚消息流出後,莊思敏在ig承認婚訊 :「感謝各位嘅祝福,大家都要幸福呀」
結婚消息流出後,莊思敏在ig承認婚訊 :「感謝各位嘅祝福,大家都要幸福呀」

莊思敏舊愛吳浩康分享開心

至於跟莊思敏有過5年感情的吳浩康,去年尾與拍拖不足一年的崔碧珈分手,在IG上暫未有回應舊愛婚訊 ,但都有事情「開心Share」——原來近年愛上越野單車的吳浩康,近日在大欖涌完成了「人生第一場山地車比賽」啦!更成得奪得亞軍。

吳浩康表示: 「最有意義嘅係有機會俾我大家姐睇到我攞獎!見到大家姐一家人喺終點等我,真係好感激大家姐嚟睇我比賽!」
吳浩康表示: 「最有意義嘅係有機會俾我大家姐睇到我攞獎!見到大家姐一家人喺終點等我,真係好感激大家姐嚟睇我比賽!」
比賽過程中,因為太心急,行錯咗路偏離咗賽道,令吳浩康浪費約13分鐘,仲要再次爬坡,最後用盡方法不停踩不停踩,終奪亞軍。
比賽過程中,因為太心急,行錯咗路偏離咗賽道,令吳浩康浪費約13分鐘,仲要再次爬坡,最後用盡方法不停踩不停踩,終奪亞軍。

莊思敏Dry足7年有著落

去年年年初先至話大馬拿督夫人阿媽心急到拉她去相睇,原來唔聲唔聲,莊思敏感情已有著落,早前出席活動,更忍唔住開心share,雖然開始時未有直認拍拖,但亦漏口風表示:「怕小器,都係唔講咁多住!有好消息就會公開!」在前年5月1日正日生日舉行的39歲生日P,就算大班朋友在場,台版吳浩康亦全程陪在身旁。

去年5月1日39歲生日,莊思敏在自己開 設的酒吧開P慶生,雖然畀大班仔 圍住影相,不過身旁最重要位置 都係留番畀新歡,親密關係不言 而喻!
去年5月1日39歲生日,莊思敏在自己開 設的酒吧開P慶生,雖然畀大班仔 圍住影相,不過身旁最重要位置 都係留番畀新歡,親密關係不言 而喻!
莊思敏
莊思敏

男友密飛香港探莊思敏

據悉莊思敏同台版吳浩康早於幾年前已經認識,直至上年莊思敏到台灣拍電影,留台一段時間,同男方頻密約會擦出愛火,能夠成功追掂大馬拿督千金,台版吳浩康全靠密集式攻港攻陷芳心,據知情者透露:「佢哋都係開始咗幾個月,Jacquelin好緊張呢段感情,始終Long D戀情要互相遷就,男友又係生意人,本身工作好忙,但幾忙都好,佢每個月一定飛嚟香港幾次探女友,不過,始終男友唔係呢個圈,Jacquelin都 怕佢唔習慣娛樂圈模式,驚啲新聞會嚇親佢,所以拍拖拍得好低調!」

莊思敏駕駛的紫色座駕非常搶眼,到達山頂後她先 車泊入廣場停車場,再孖台灣商人男友遊山頂。
莊思敏駕駛的紫色座駕非常搶眼,到達山頂後她先 車泊入廣場停車場,再孖台灣商人男友遊山頂。
莊思敏和台版吳浩康逼入自由行堆中玩自拍,向來硬朗的 Jacquelin,全程表現如小鳥依人,更冧爆挨實男友影相。
莊思敏和台版吳浩康逼入自由行堆中玩自拍,向來硬朗的 Jacquelin,全程表現如小鳥依人,更冧爆挨實男友影相。

為慶祝拍拖後首個生日,台版吳浩康安排連串生日活動,在莊思敏 生日前夕,二人拍拖遊山頂,當日下午三時許,莊思敏同男友在中環撐 完枱腳,駕車去山頂拍拖,她先將車泊到廣場停車場,之後兩人唔怕人 多,逼入大媽人潮行上凌霄閣睇風景,台版吳浩康望住Jacquelin 更加嗒晒 糖笑到四萬咁口。

早前出活動自爆有好消息公布的莊思敏,原來 已秘密覓得真命天子,日前孖外形似足前度吳浩康的台商遊山頂,表現冧爆。
早前出活動自爆有好消息公布的莊思敏,原來 已秘密覓得真命天子,日前孖外形似足前度吳浩康的台商遊山頂,表現冧爆。
山頂景色當然唔及女友吸引,台版吳浩康不時望住女友嗒晒糖,單睇都知佢有幾冧!
山頂景色當然唔及女友吸引,台版吳浩康不時望住女友嗒晒糖,單睇都知佢有幾冧!

莊思敏楊秉逸似足初戀

即使置身人堆仍如進入無人之境,眼中只有對方, 平日成個女強人的莊思敏,更似足初戀淘氣,不停攞手機同男友 Selfie,一時冧笑一時嘟嘴,之後台版吳浩康更逼去買雪糕氹女友,體貼 表現真係未食都甜入心!莊思敏正日生日在其開設的酒吧開P 慶祝,廣邀 好友出席,台版吳浩康全晚如男主人陪伴左右,之後緊接齊飛越南蜜遊。

攞住雪糕又selfie,睇見已經甜到漏。
攞住雪糕又selfie,睇見已經甜到漏。
莊思敏香港開完生日P後,便孖住男友甜遊越南,拍拖心情大靚,連日大晒三點式,相信全是男友視角!
莊思敏香港開完生日P後,便孖住男友甜遊越南,拍拖心情大靚,連日大晒三點式,相信全是男友視角!

本刊致電莊思敏求證新戀情,當時她顯得非常避忌:

「大家只係朋友,佢係台灣人,嗰日佢嚟香港我陪佢啫!(係咪想保護戀情?)唔係,只係唔想影響到人!(想穩定啲先講?)有過之前嘅經驗,我都想感情穩定啲先公開!」

話晒等足7年先搵到有情人,39歲莊思敏唔想有閃失可以理解!

久旱逢甘露,拍拖如沐春風的莊思敏,對住男友即變小女人,同男友食住雪糕行去廣場停車場攞車,sweet爆一齊返半山寓所。
久旱逢甘露,拍拖如沐春風的莊思敏,對住男友即變小女人,同男友食住雪糕行去廣場停車場攞車,sweet爆一齊返半山寓所。
報導刊出後,莊思敏在9月中終於認拍拖,在IG公開與男友的合照。
報導刊出後,莊思敏在9月中終於認拍拖,在IG公開與男友的合照。
0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0