大陸當紅男子組合TFBOYS 18歲成員王源最近被爆喺北京一餐廳內吸煙，唔只受到大陸網民關注，就連外國傳媒BBC都有報道事件！報道以「TFBoys: Wang Yuan sorry over illegal smoking」（王源為非法吸煙道歉）為題，睇嚟王源喺外國都有一定地位！
其實唔只係因為違反控煙條例受到關注，更因為佢曾以「聯合國兒童基金會青年教育大使」及「中國青年代表」身份兩度參與聯合國舉辦嘅青年論壇，2017年更獲美國雜誌《時代》（TIME）評選為「最具影響力30位青少年」之一，形象如此正面，但現實原來係咁，難怪唔少粉絲都對佢好失望！
其後王源工作室微博表示：「王源已於今日上午主動去朝陽區衞生計生監督機構接受調查，待接到相關處罰決定後，將按照《北京市控制吸煙條例》及其他相關規定，接受相應處罰。感謝各界人士對王源的關心和鞭策，對於此事給社會公眾造成的影響，我們再次深表歉意。」
另外，有網友於早上拍到王源在大西洋新城社區大廈出來，應該是繳交完室內吸煙的罰款。
東網網站 : https://on.cc/
東網Facebook專頁 : https://www.facebook.com/onccnews/
