韓國男團Super Junior（SJ）的36歲成員希澈最近與母親亮相SBS節目《我的熊孩子》，公開他一個人的生活，見兒子平時愛在家中煲劇及打機，令其母更希望他快些結婚。而昨晚一集就講到希澈去拍攝禁煙廣告，他在節目中表示人生中最後悔的事便是吸煙：「如果我唔食煙，我可能會高1厘米。」
希澈又指食煙令他現在不能食熱辣辣的即食麵：「我因為以前食煙食太多，肺變得好差，所以食唔到熱辣辣嘅麵，我做唔到吹凍麵然後吞落去嘅動作，如果真係可以回到過去，我唔會食煙，我已經戒咗10年啦。」
而希澈的母親就回想當初知道兒子食煙時的時候：「嗰時廁所嘅天花有一個暗格，有一日發現暗格塊板歪咗，我覺得奇怪所以就睇吓，點知發現有煙頭，當時我好失望，好苦惱應該點同佢講，最後就同老公一齊拎住煙同希澈講『你自己睇吓點做啦』，佢知道我哋失望，之後就戒咗。」
東網網站 : https://on.cc/
東網Facebook專頁 : https://www.facebook.com/onccnews/
