近日香港天氣逐漸轉涼，提醒我地品嘗蟹嘅季節又到啦！今次教大家揀大閘蟹，閒時可以露兩手煮畀至愛食阿嘛 ( 首先你要⋯⋯我意思係你要買咗蟹先。）
買大閘蟹最緊要「眼仔碌碌」
購買大閘蟹時，可以按壓蟹眼對上的蟹蓋位置，如果蟹即時眼仔碌碌有反應，代表新鮮； 另外留意蟹嘅吹泡情況，愈吹得多泡愈生猛！
健康嘅大閘蟹，背部會呈現青綠色，蟹腳嘅毛為金色，蟹肚愈白就愈好，代表大閘蟹喺良好乾淨嘅水質環境成長。人類一到冬季會食慾大增，其實大閘蟹亦都會為過冬儲備更多能量，所以秋季其間食量會大增！每年嘅十月中旬，大閘蟹肉質最肥美最鮮嫩。
揀雌蟹定雄蟹
好好多人都好奇想知，食大閘蟹揀雌蟹定雄蟹好。其實公乸各有所愛，不過如果啱月份食就加倍滋味！
俗語有話「九雌十雄」，農曆9月為品嘗雌蟹嘅最佳時期，啱晒鍾意食肥膏多嘅你！9月利雌蟹抱卵，蟹黃飽滿；而10月則為雌蟹產卵嘅月份，因此雄蟹性腺發育最好、最美，黃白鮮肥。另外畀個小貼士大家，揀蟹時記得留意蟹肚，厚身並透黃色，代表蟹肉蟹膏肥美而且成熟。
葱油蟹家常做法 3個步驟
講解完點揀靚蟹，小編諗起以前每次去大排檔都必點蔥油蟹！尤其係冬天時吹住冷風食，真係別有一番風味！事不宜遲，即刻教大家點煮！步驟超級容易，無煮開飯嘅都唔駛擔心！首先需要準備以下材料：大閘蟹、薑片、蔥段、鹽、糖、醬油、生抽 。然後將大閘蟹洗凈，加入薑片和蔥段上鍋蒸熟。
主要由蟹嘅大小決定蒸幾耐，5両至6両嘅蟹蒸大約16至20分鐘、7両至9両蒸大約20至25分鐘就夠。蒸蟹出來嘅湯汁擔當重頭戲，記得切勿倒掉！蟹蒸熟後去掉尖頭部分，切成細件後擺盤。將剛才留起嘅湯汁加入鹽、糖及生抽，攪拌勻後淋入盤中，再灑上碎蔥段。開大火將油爆熱，等鍋冒煙後直接淋在蔥段上就大功告成！開餐！返工咁忙，想食大閘蟹又唔想自己動手煮？近日兩間酒店推出以大閘蟹為主題嘅菜式！原來最近仲做緊優惠？係時候要慰勞一下返工咁辛苦嘅自己！
推介1）蟹類熱葷、冷盤、刺身壽司等包羅萬有
海景咖啡廊自助晚餐呈獻鮮味無窮嘅豐盛蟹宴，真係超有誠意！多款蟹饌每晚輪流供應，當中有日本鱈場蟹、加拿大麵包蟹及本地藍花蟹等，包你有新鮮感！
提供多款新鮮冷盤、刺身壽司至蟹類熱葷，畀你試齊晒不同蟹種嘅美味！想食到蟹嘅原始鮮味？原隻冰鎮蟹、龍蝦麵豉湯蟹肉燴飯、花雕蛋白蒸藍花蟹你絕對唔可以錯過！
鍾意濃味食物，可以試下肉米紙卷及泰式黃咖喱炒蟹，以多款不同國家香料襯托出蟹嘅獨有鮮味，惹味可口，多層次且具豐富嘅味蕾享受！餐廳都貼心地準備幾樣飽肚菜式畀無澱粉質不歡者，大閘蟹蟹粉鍋粑及即滾自選鱈場蟹或藍花蟹粥，觀感、味道同樣滿分！自助晚餐更會提供各樣國際佳餚，可以試勻多種大閘蟹所烹調嘅佳餚之餘，其他海鮮都同時供應，有即開生蠔、多款日式刺身等，另外仲有即烤脆皮乳豬及燒牛肋骨！食完鹹食，Häagen-Dazs雪糕及多款精緻甜品等緊你，滿足埋你第二個胃！
晚餐：自助餐成人價錢：HK$628（星期日至四）/ HK$688（星期五至六，公眾假期前夕及公眾假期）
自助餐兒童價錢：HK$388（星期日至四）/ HK$428（星期五至六，公眾假期前夕及公眾假期）*10%服務費
地址： 尖沙咀麼地道70號海景嘉福洲際酒店M層
推介2）傳統烹調方法 帶出蟹肉鮮味胃口細唔鍾意自助餐？金域假日酒店龍苑中菜廳以大閘蟹為主題嘅菜式，必有一款啱你心水！
龍苑特別推介有「蟹粉百花釀遼參」、滋味香口「金沙大閘蟹」 、「生拆蟹粉豆腐羮」、香脆可口「蟹粉吉列龍躉球」、美味爽滑「蟹粉海皇煎米粉」、「毛豆蟹粉豆腐煲」、「陳年花雕鹽焗大閘蟹」、「蟹粉鍋巴」，當然還有百吃不厭嘅「生拆蟹粉小籠包」，款款蟹粉美餚香口又有濃郁蟹香，帶畀你味覺上嘅極級享受！
現時優惠推廣「蟹」逅在龍苑套餐，當中菜式包括生拆蟹粉小籠包 、蟹粉蟹肉高湯燴燕窩、紫蘇蒸大閘蟹 (一隻)、 吉列大蝦球配蟹皇醬伴蒸花卷 、鮮淮山胡椒高湯浸斑球、蟹粉燴稻庭烏冬，甜品仲有黑糖薑茶湯圓～食完真係暖身又暖心阿～
呢個聽到都已經口水流嘅套餐，原價每位港幣$828加一服務費，依家特價57折，每位只需要$498（加一服務費）！咁抵食係邊度搵～現時可以透過 OKiBook預訂，撳一個掣就搞掂超方便 ，唔洗要親自打電話book檯 （等待接電話音樂特別催眠～）快啲click入網站，尋找更多餐廳優惠啦！
地址： 香港九龍尖沙咀彌敦道50號
