容祖兒紅館19場演唱會，昨晚尾場表演嘉賓真如傳聞中所指，是天王黎明（Leon）。Leon出場前祖兒已興奮跟觀眾說：「呢位嘉賓係我㗎，代表住我嘅青春。」Leon升上台時，祖兒踎低話：「我暈啦！」然後繼續再唱《夏日傾情》。
Leon出場引發觀眾狂叫震天，祖兒更加興奮，不停叫：「Leon！Leon！我控制唔到自己呀。」黎明説：「依家係（晚上）10點52分，今晚有兩個創舉，平時我演唱會10點半就走，依家應該陪緊個女瞓覺。」祖兒說：「唔好意思，阻你湊女。」
祖兒解釋邀請Leon的始末，早在今年初，一次在餐廳內巧遇對方，閒談間順道邀Leon任演唱會嘉賓，說：「當時見到你真係好興奮，無端端見到黎明喎！」Leon即爆金句：「因為夜晚見到黎明係咪？」引來台下觀眾爆笑。祖兒再問Leon可有金句送她？Leon說：「你頭髮好金，Good Luck。」之後兩人再合唱《傻痴痴》。
