黃翠如蕭正楠補辦婚禮 曹永廉黃祥興任伴郎

黃翠如與蕭正楠夫婦在峇里島補擺婚禮，今日在社交網站分享結婚照，浪漫滿瀉。身為二人老友的曹永廉（阿廉）被問及二人的婚禮，則幫蕭正楠嚴守秘密，笑言「都係交返畀兩位主角講啦！」
阿廉指婚禮是早前舉行，是二人到日本慶祝結婚周年之前的事，他與黃祥興為阿蕭擔任伴郎，婚禮就如二人作風一樣，只是簡簡單單與家人吃飯，行個禮讓屋企人開心。問到可有做雙份人情給兩位老友？阿廉笑說：「冇呀，佢哋大把錢啦！送了支酒畀佢哋，等佢哋好好慶祝。（有催佢哋快快造人？）催？唔使啦，佢哋好崇尚自然，等佢哋慢慢嚟。」