由黃浩然﹑楊千嬅﹑朱晨麗﹑周柏豪和洪永城等主演的台慶劇《多功能老婆》，播出後反應不俗，黃浩然在劇中演的「尚劍雄」，與劇中太太、千嬅飾演的「藍飛」育有一子。上星期五（6日）的劇情講到劍雄為堅持追逐未圓的夢，決意跟藍飛離婚，而藍飛窮追不捨下，終不支暈倒，看得令人心噏。
黃浩然老婆莫家嘉當晚亦有收看，並自爆睇到喊，莫家嘉在instagram寫道：「喊完之後，我心情沉重咗幾日！我終於忍唔到！明明好好，但點解一個人可以為咗自己去到咁絕？人性唔係本善咩？尚劍雄 @wonghoyinraymond（黃浩然） ！你另（令）我開始懷疑同好擔心，你夠（究）竟係一個咩嘢人！你哋明白我而（依）家嘅心情嗎？😭😭😭😭😭😭😭😭😭」
（即時娛樂）
