黃婉曼今日在社交網宣布細女Kaitlyn已經出世，重7磅幾，是個手指、腳趾都好長、好叻飲奶的BB。兩年抱兩的她在社交網分享她左手攬住大女Kyra、右手抱住細女Kaitlyn的照片，留言︰「姐姐先好奇，後興奮。聽朋友建議，代妹妹送份禮物俾（畀）她果然有用，滿心感激之餘，仲大方分享她最愛食的乳酪糖。生之前勤力啲講『妳要做姐姐了』的故仔書也沒有白費，姐姐知道baby餓了喊了要飲奶，仲要幫妹妹換尿片。以後她吔（也）有個伴，可以講心事，是媽媽的願望。」
（即時娛樂）
黃婉曼誕7磅細女 大女Kyra唔呷醋仲想請妹妹食糖
