麥明詩、馮盈盈任主持的節目《#後生仔傾吓偈》早前請來何遠東任客席主持，估不到三人合作一樣火花四射，繼續暢所欲言。當講到借錢話題，麥明詩自爆曾借五十萬畀朋友應急，好彩朋友最終都有還；而馮盈盈則指自己試過借錢畀男友寶寶，並搞笑話事前亦已查清楚對方底細，覺得借得過先借，不過，佢又呻話冇利息收，何遠東即笑住窒佢：「佢（寶寶）有陪你喎！」令盈盈登時頓一頓說：「咁又啱喎！」麥明詩在旁加多句：「佢有服務畀你喎！」即令馮盈盈口窒窒，最後都笑住話：「有呀，啲服務都唔錯㗎。」
東網網站 : https://on.cc/
東網Facebook專頁 : https://www.facebook.com/onccnews/