農曆新年期間，相信大家同親朋戚友相聚，除了在家打牌、睇電視、傾傾最近生活外，都少不免外出飲茶，食返個一盅兩件，但其實點心的卡路里和熱量原來可以很高，食得過量，好易就肥，所以今次就由營養師同大家公開以下15款點心卡路里，教你食得安心又健康！
編輯：C Lam、Cyan｜圖片來源：Instagram、新假期｜營養顧問：尚營坊健康顧問高級營養師Cynthia Wong、食物安全中心｜編輯：異種火星人
點心卡路里公開！飲茶少食燒賣、糯米雞
1. 慎食！高危暴肥馬拉糕、糯米雞
當你以為馬拉糕是齋兼是蒸點就健康？錯！在製作馬拉糕的過程加了大量豬油和糖，一件已經超危險，所以還是吃少點為妙！另外糯米雞的糯米的卡路里等同白飯，加上餡料以油炒香，熱量自然高！
2. 多油高脂 炸春卷
炸春卷、芋角、咸水角的外皮都有澱粉質，一炸吸盡油，內裡再加肥豬肉餡，極危險！鮮竹卷又是腐竹之餘，再加上蠔油汁，高鹽又高脂；港人最愛的叉燒包除了醬汁，也混合肥膏的叉燒，還是少食為妙。
3. 一件起兩件止
山竹牛肉內裡其實隱藏肥豬肉，所以脂肪多，肥！蒸鮮蝦腸粉的蝦肉和米漿熱量不高，但建議豉油分開點，減少鹽份吸收。奶皇包是低卡包點，不過糖份較高。潮州粉果內含少量肥豬肉，再加花生，熱量、脂肪再拉高！煎腐皮卷本身腐皮有大豆油，再釀餡煎炸，不宜多吃。
4. 相對較最健康
最常食的蝦餃、燒賣、鳳爪算是眾多 點心中卡路里 較低，可放心食。不過都要留意，蝦仁脂肪不高，但搓蝦餃皮時加入了油來搓，宜適量食，因為4粒蝦餃就等於一碗飯！燒賣內也加了肥豬肉和豬油，少少肥。鳳爪的雞皮有脂肪，加上豉汁濃醬，少咸，吃一隻已經很足夠了。
飲茶迷思你要知！
1.飲茶可以消脂？
錯！茶類的消滯功效不高，亦沒有去油的作用，所以無助減肥！不過吃點心時飲茶，變相飲多了水，可增加飽肚感。情況和先飲湯、再食飯的效果類似。
2. 單食蒸點沒有那麼肥
根據營養師提供資料，基本上一件蒸包、四粒蒸餃，已經400kcal，接近一個成年女性每餐所需的卡路里，所以點心看上去細細件，其實食多幾粒就爆標！加上不少點心混入豬油、肥豬肉，無論蒸點、炸點，一樣很高卡路里。
3. 切勿加辣椒油？
豉油和喼汁熱量不算高，只須注意當中的鹽份，但辣椒油就忌用，一茶匙已有45kcal，伴食時就更肥，建議改用只有6kcal的辣椒醬或是辣椒絲取代。
