體育，都可以好本土
香港，一個小小嘅彈丸之地，一個係國際上富有影響力嘅城市。好多人會話，香港，只係得金融，投機取巧，無咩文化可言。但事實話畀我哋知，香港唔單止有出色嘅本土文化，更加有好多腳踏實地，為理想仆心仆命，日日身水身汗付出嘅人。如果各位有留意香港體壇，就知道香港呢個對體育唔太重視社會，依然有一班犀利嘅運動員，喺國際上取得佳績，證明咗畀全世界知，香港本土體壇，一樣出色。香港咁多運動員，你又知幾多個呢？唔知唔緊要，今日就等DailyView用網路大數據話你知，香港十大最多人談論嘅美女運動員係邊個喇！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
10 劉慕裳 （1122筆）
——世界排名第三
空手道運動員，劉慕裳，亮麗嘅外表之下，邊個會估到佢係一位出色嘅運動員，2016年最高排名係世界第三名？劉慕裳細細個，已經受到空手道運動員，哥哥劉知名嘅影響學習空手道。劉慕裳喺16歲開始，已經代表香港參加世界各地唔同嘅國際大型比賽，直至2015年，佢正式成為全職嘅空手道運動員。咁多年之中，佢嘅運動成就出色，打敗過世界冠軍，為港爭光，力證香港體壇實力。
image source:IG／gracelaukarate
image source:IG／gracelaukarate
image source:IG／gracelaukarate
9 謝琬婷（1501筆）
——三項鐵人比賽
Janet 謝琬婷，佢唔係專業運動員，但一樣有專業運動員嘅精神、毅力。佢本身係資深嘅空姐，同時又係模特兒，睇落呢兩份職業本身都好忙，但再忙再無時間，都阻擋唔到佢熱愛運動嘅決心。而且，佢仲要做三項鐵人運動，又游泳，又單車，又長跑，普通人真係搞唔掂。但係謝琬婷真係完成到成個比賽，佢就話相當有成就感。咁健康正面，充滿活力美，難怪香港人咁欣賞佢嘅。
image source:IG／jtse1215
image source:IG／jtse1215
image source:IG／jtse1215
8 鄧伊程（1612筆）
——運動型KOL
鄧伊程 Tiffany，自細鍾情運動，大個咗真係做埋跳高運動員。其實，早喺在學期間，佢已經喺學界比賽當中大展拳腳，取得無數佳績。2015年，第一屆全國青年運動會入面，佢係咁多勁人當中都攞到第十三名。直到而家，鄧伊程入咗大學讀書，都依然有參加跳高比賽，甚至連50米蛙式項目亞軍都攞埋。除咗呢樣，佢參加《後生仔傾吓偈》清談節目，做埋KOL，認真唔簡單！
image source:IG／tiffanyxtyc
image source:IG／tiffanyxtyc
image source:IG／tiffanyxtyc
7 馬曉晴（2598筆）
——香港石原里美
日本有石原里美，香港有馬曉晴，兩位外形相似，一樣係美女，唔同嘅，係馬曉晴係一位職業運動員，花式溜冰相當出色。年方20，馬曉晴嘅人生已有驕人成績，喺香港首位花式溜冰運動員，參加國際比賽攞到奬牌嘅第一人。馬曉晴細細個已經接受花式溜冰訓練，仲多次攞到香港錦標賽冠軍，相信未來仲有好多發展機會。馬曉晴咁動人可愛，形象正面，唔知日後有冇機會做埋藝人呢？
image source:IG／maisyma1999
image source:IG／maisyma1999
image source:IG／maisyma1999
6 林芷煖（2770筆）
——永不言敗
每個人一生入面都遇上唔少挫折，但好少會好似林芷煖咁，細細個已經面對重大困難，患上骨癌。呢場大病，令林芷煖放棄咗做羽毛球嘅夢想，即使到佢多年後醫好咗，亦都難以做運動。不過，佢後來依然重拾羽毛球，就算已經錯過黃金訓練期，都願意付出更多心力汗水。永不言敗，林芷煖加入香港傷殘羽毛球代表隊，不斷獲獎，真係好值得我哋學習。林芷煖，香港人都會支持你！
image source:IG／oo_lth
image source:IG／oo_lth
image source:IG／oo_lth
5 朱嘉望（3815筆）
——劍擊女神
喺香港哋，做運動員，一定會俾其他人質問：到底搵唔搵到食？年輕嘅劍擊運動員，朱嘉望 Moonie就用行動話界大家知，做全職運動員一向可以活得出色。朱嘉望曾經話過，自己細細個已經對劍擊有興趣，多年訓練，亦都成日參加比賽。2012年，佢勇奪香港傑出青少年運動員，2014年亞運會擊劍比賽攞咗團體賽銅牌。「劍擊女神」，才貌皆有，難怪IG咁多Fans支持呢位本土運動員！
image source:IG／moonieckm
image source:IG／moonieckm
image source:IG／moonieckm
4 江旻憓（6109筆）
——世界排名第一
25歲嘅江旻憓 Vivian Kong，雖則年紀輕輕，但喺體育界已經相當有成就，超越咗唔少前輩。佢11歲開始正式接受女子銳劍訓練，13歲越級攞咗2007年全國少年錦標賽U17組冠軍，可以話係擊劍嘅天才。佢喺擊劍運動有無數佳績，2019年，江旻憓再創新高，整體成績奪得世界排名第一。7月，佢宣布自己十字韌帶撕裂，不過睇佢最新近況，康復進度良好，一定會再有好成績！
image source:IG／vmwkong
image source:IG／vmwkong
image source:IG／vmwkong
3 方泳琳（6161筆）
——籃球女神
人稱香港「籃球女神」，方泳琳至少已經鍾愛籃球，最叻係射三分波，球技相當唔錯。佢由中一已經開始打籃球，仲做過香港女子籃球隊悠悠嘅隊員，參加過唔同比賽，真係身經百戰。叫得做「女神」，當然唔單止運動咁簡單，樣靚身材正，亦都係重點。咁健康美，難怪廣告商都咁鍾意佢喇！2017年仲簽約做埋藝人，身兼藝人同籃球運動員兩個方向，「籃球女神」真係當之無愧。
image source:IG／lamlamjessie
image source:IG／lamlamjessie
image source:IG／lamlamjessie
2 楊文蔚（8893筆）
——跳高model
楊文蔚，身形高挑，1.7米嘅優勢，令佢不論喺運動，又或者模特兒工作方面，都如魚得水，取得佳績。楊文蔚出身草根，14歲開始嘗試跳高運動，好快俾教練睇出佢嘅天份，發掘咗佢，加以專業培訓。佢曾經遇到瓶頸，但無阻佢前進，鍛煉體能，最終得到突破，之後多次比賽打破前人記錄，2017年亞洲田徑大獎賽仲攞埋金牌。除咗運動，佢身材形象咁好，仲受邀做埋model，一樣出色。
image source:IG／cceciliayeung
image source:IG／cceciliayeung
image source:IG／cceciliayeung
1 歐鎧淳（9959筆）
——運動型藝人
歐鎧淳 Stephanie Au，香港目前多項捷泳及仰式紀錄嘅保持者。佢細細個已經係一條美人魚，連續四屆代表柏克萊大學出戰NCAA大學泳賽，幫咗學校攞埋兩屆大學冠軍，認真犀利。16歲，已經代表香港出戰2008年奧運，之後佢幾乎每年都有參加大型比賽，多次奪得獎項，打破香港最快紀錄。除咗運動出色，佢亦都參演過《春嬌救志明》、《守護神之保險調查》，真係多才多藝。
image source:IG／stephaniehsau
image source:IG／stephaniehsau
image source:IG／stephaniehsau
【以上圖文為香港網路溫度計調查結果，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2018年12月14日至2019年12月13日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『體壇靚女』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
