今期人人都講《龍珠》，咁大家自不然又會啍起張氏兄弟嘅經典名曲：「撒亞人生於這個地方 稱呼叫悟空」，呢首歌可以話係伴隨好多人成長。不過，《龍珠二世》（即《龍珠Z》）嘅主題曲，原來最先唔係張崇基張崇德唱嘅！
話說TVB嘅《龍珠二世》出過兩個版本，分別係《撒亞人篇》時使用嘅陸家俊版，早喺91年就推出，但到咗1993年，就變成張崇基張崇德嘅版本，但其實兩首歌嘅曲係一樣，改嘅只係歌詞啫。
雖然陸家俊從來唔算大紅大紫，不過無端端換主題曲，確實有啲奇怪，有指歌詞包括「自由」、「滴血」、「子彈」等字眼，令人聯想起1989年「六四事件」，因而被電視台棄用，而呢首歌亦逐漸被人淡忘。直到2015年，TVB邀請到陸家俊喺《流行經典50年》獻唱此曲，先至勾起番大家嘅回憶。
東網網站 : https://on.cc/
東網Facebook專頁 : https://www.facebook.com/onccnews/
