藝人周慧敏出道超過30年一直都有「玉女」呢個稱號，無論鏡頭前後都係咁清純，近日網上流傳一條關於佢嘅片，應該係啱啱出完活動，離開時腳步浮浮唔係好企得穩，嗰感覺好似係飲醉酒，成程要人扶到實，網民都好驚訝話唔通女神係飲大咗去工作咁爆炸？
呢個傳聞好快就傳到去周慧敏耳邊，佢就喺社交網解釋番件事：「台上穿高跟鞋點都撐到，台下1小時也撐不到，就像跛行。」原來女神唔係飲醉酒，之所以會咁樣行路，係因為着高踭鞋好痛所致，唔少網民都留言話好心痛，仲話佢着平底鞋都係一樣咁靚女，不如少啲着高踭鞋保護雙腳啦！
東網網站 : https://on.cc/
東網Facebook專頁 : https://www.facebook.com/onccnews/
