英皇藝人陳家樂早前隨隊往馬來西亞拍攝網劇《女法醫JD》，及後因新冠肺炎疫情全球肆虐，大隊決定先徹退返港。隨後台前幕後各自在家隔離14天，至7號凌晨12點終於可以「出關」，家樂即自行剪掉隔離手帶。
今午3時左右，他現身中環理髮，事後再徒步往附近超市儲糧。由原本目無表情，到理髮後生龍活虎，家樂坦言：「其實我『疫監』唔止14日，上月12日喺馬來西亞拍完最後一場戲就已經『被困』，基本上有成3個星期同外界失聯咁。我覺得自己啲頭髮長到好似個波咁，完全接受唔到，頭先喺街我覺得自己好似患上人群恐懼症咁。」
返港後14天，家樂坦言曾被揀中抽查，有警員登門造訪核實資料。問到怎樣打發時間，他謂：「買咗書返嚟學英文。我咁鍾意踢波，咪同朋友玩足球game囉，仲有砌模型，只要有計劃就唔會嘥時間。」這個假期是近年最長的1次，他坦言最惦掛嫲嫲，今日將抽時間往探望及飯敍。
他又透露會「珍藏」隔離手帶：「話晒經歷咗呢件事，我希望唔會再有下次，祝大家身體健康。」
東網網站 : https://on.cc/
東網Facebook專頁 : https://www.facebook.com/onccnews/
