兩位前港姐冠軍星媽陳茵媺同劉倩婷，帶埋仔女去馬場試閘嘉年華，陳茵媺大仔陳梓燁、二仔陳浩鋒同嬧女陳凱婷都着晒紅色衫，襯好晒先嚟，睇到媽咪陳茵媺好有心機，梗係喇，老竇陳豪專心搵錢，媽咪就百分百全程投入湊細路，各有各角色。而劉倩婷就以吊帶露肩裝上陣，抱住囡囡同一拖三嘅陳茵媺影合照，但係今日天氣咁熱，睇到佢哋大汗疊細汗，熱到面都紅晒，真係要小心中暑呀！
倩婷接受東網電話訪問時，表示佢哋有玩VR遊戲，非常開心，但因天氣太熱，玩咗一粒鐘後就去返室內食嘢，佢講笑話：「我個吊帶都幾乎熱到溶呀，不過咁熱就真係就嚟中暑！」而佢嘅囡囡同陳茵媺嘅囡囡年齡只相差一個月，所以玩得特別投契。講到陳茵媺囡囡好貪靚，倩婷話：「係呀！我都會買同款裙畀陳茵媺個女，等兩個女仔可以一齊着。（有冇諗住同陳茵媺對埋親家？）哈哈！小朋友最緊要玩得開心，我個女對住男仔怕醜呀！但如果有呢個好朋友做親家，當然都好開心啦！」
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
