請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

陳瀅視愛犬如家人 郭秀雲廖碧兒擔心現棄養潮

on.cc 東網

更新於 2020年02月28日12:06 • 發布於 2020年02月28日07:31 • on.cc 東網
消息一出令愛狗一族極擔心!
消息一出令愛狗一族極擔心!
陳瀅指「家人」有事,絕唔會放棄佢,而係更加愛惜愛佢。
陳瀅指「家人」有事,絕唔會放棄佢,而係更加愛惜愛佢。
郭秀雲建議暫時唔好帶狗狗外出,減低傳染機會。
郭秀雲建議暫時唔好帶狗狗外出,減低傳染機會。
廖碧兒會餵年紀較大嘅愛犬食維他命C,增強體抗力。
廖碧兒會餵年紀較大嘅愛犬食維他命C,增強體抗力。
馬浚偉對此發文:「就算真係受感染,咪盡力去醫囉!」
馬浚偉對此發文:「就算真係受感染,咪盡力去醫囉!」
衛詩雅都話擔心有棄養潮!
衛詩雅都話擔心有棄養潮!

有新冠肺炎確診者家中的愛犬因經測試後,身體呈輕微陽性反應,消息一出令愛狗一族極為擔心,但現時有教授指狗隻感染病毒機會微,相當只是患者的飛沫污染狗隻的毛髮,此亦令不少狗狗主人安心一點。而向來是愛犬之人的陳瀅接受東網訪問時坦言:「所有主人都會當自己嘅寵物係家人一樣,如果『家人』有事,都絕唔會隨便放棄佢,而係會更加愛惜、畀更多愛佢哋。」而同樣是狗主的馬浚偉於社交網亦對此事發出評論,他謂:「莫講話根本冇話受感染,就算真係受感染,咪盡力去醫囉!」

身為狗奴的衛詩雅直言受事件影響心情:「我梗係擔心有棄養潮啦,唔應該咁做囉,寵物好似你屋企人咁,如果你屋企人患病,你會唔會放棄佢哋吖,做所有決定之前應該三思。」她更表示:「其實最緊要係清潔啫,如果同佢地落完街,最緊要幫佢哋抹乾淨啲手仔同腳仔,我覺得問題係好大嘅。」

一向熱愛動物的郭秀雲亦大表擔心,表示最重要做足防預,不要有棄養潮,她說:「希望大家冷靜啲處理,好多人反應過重,雖然感染咗好大件事,但我因為環保成日會去啲比較偏僻嘅地方,嗰度啲村民反而擔心啲人會殺死啲狗,或者唔鍾意動物嘅人會想用呢個機會殺動物。(都驚棄寵物?)年年都會有啲人棄寵物,都會擔心,希望唔好增加,咁我對香港人好有信心,佢哋好有愛心,就算有乜事大多數都會好錫住自己啲動物。我屋企都有唔同嘅動物,依家已經唔會帶佢哋落街去大小二便,盡量喺屋企,我哋人類出街可以戴口罩,佢哋好難,狗隻慣咗喺街度行,四周聞係佢啲嘅天性冇得避免,亦唔可以避免佢哋同其他狗接觸,好難隔離到。所以最好唔帶佢哋出街,搵方法幫佢解決,例如用狗尿布,或者教佢搵個位教佢去屙,我哋自己盡量做好功夫。今日阿仔先話帶咗佢哋去沙灘,話唔會有事,我話好難講,叫佢盡量唔好去街。」

而家中養有七隻愛犬的廖碧兒,視牠們如親生子女,不希望出現棄養情況:「寵物都係我哋家庭嘅一份子,所以絕對唔希望大家因為呢件事棄養。」她指清潔功夫一定要做足,去街後會用濕毛巾及溫水清潔,自己返屋企第一時間亦會消毒後先接觸狗狗。而發生狗狗被確診,她表示暫不會帶牠們出街:「我有7隻狗,有4隻成日一齊玩,如果一個病就全部都病,所以要更加小心。」她又表示就算在家中,亦可買多些玩具給愛犬玩,當做運動,亦有買維他命C給年紀較大的狗狗食。

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0