歌手陳柏宇（Jason）早前為TVB娛樂新聞台節目《StarTalk》任嘉賓，接受主播許文軒（Edmond）專訪，談及已為人父的感受，Jason表示：「我細個爸媽分開咗，我對爸爸嘅印象都好少，始終有父母一同照顧小朋友比單親家庭好，所以我依家會選擇陪個女多啲，因為小朋友好善忘，少見就唔理你，之前我老婆帶咗個女去台灣旅行九日，阿女返到香港之後就唔理我，好Hurt！」
補鑊讚太太善良
提到在元旦日Jason公開直指太太乞人憎，他笑說：「佢的確乞人憎，但唔影響我愛佢，唔代表我唔尊重佢，其實我只係想帶出一樣嘢，要將人同事分開，對事唔對人，不過我老婆係對人唔對事，佢好賤格，我同佢鬧交，佢唔會同你討論，佢目標係要Hurt你，要你唔開心，雖然係咁，但我會包容佢，每一次我都會同佢講對唔住先，我希望佢對佢朋友都會咁樣。」Jason亦有大讚太太補鑊：「我希望個女會學習我太太嘅善良，希望女兒永遠都想幫人先，再慢慢學識過程中保護自己，因為如果保護先，就會少咗人得到幫助。」
東網網站 : https://on.cc/
東網Facebook專頁 : https://www.facebook.com/onccnews/
