無綫小花江嘉敏多才多藝，繼之前學完潛水同電單車，又再有新搞作，就係學整蛋糕！原來佢細妹生日，佢就同細細妹一齊親自整蛋糕，仲專誠剪輯咗一段整作過程嘅片，同大家開心Share！
片中見江嘉敏「壞學生」上身，唔聽書之餘，更不時整蠱做怪，篩粉嘅時候搞到成枱都係，起蛋糕嗰陣仲轉刀甩手，成把刀飛咗出嚟，認真牙煙！但其實佢都有認真嘅一面，捏公仔嗰陣有板有眼咁非常投入，最後嘅製成品亦相當似樣，原來佢哋整緊爆紅青蛙PePe造型嘅蛋糕，江嘉敏更笑指：「因為我細細妹話呢隻醜怪青蛙好似我細妹，真係好衰呀佢。」
東網網站 : https://on.cc/
東網Facebook專頁 : https://www.facebook.com/onccnews/