組合Super Girls成員Aka（趙慧珊）唔單止樣子甜美兼身形弗爆，原來佢仲廚藝了得，絕對係「入得廚房，出得廳堂」！近期武漢肺炎肆虐，最安全都係留喺屋企，Aka就化身做「美女廚神」教大家煎雞翼，就算唔出街都會有好嘢食，佢仲將美味秘訣公開，就係煎嘅中途落啲叉燒醬，喺熄火後即刻再落啲蜜糖，惹味得嚟又甜甜蜜蜜，真係啱晒新正頭食，最後佢拎住盤製成品影相，仲嚟個瞇瞇眼放電，隔空冧網民，留言：「新年煮雞翼，大鵬展翅，振翅高飛，比翼雙飛。盡量不出街，戴口罩，加油。」
網民大讚佢係全能女神，仲話識煮嘢食嘅女仔好加分，不過有人就留意到Aka爸爸初時全程望住佢點煮，仲搞笑話隔住個mon都feel到爸爸不信任、懷疑、不安、焦慮再加一點恐懼嘅表情，唔知係咪怕阿女會燒咗個廚房？
東網網站 : https://on.cc/
東網Facebook專頁 : https://www.facebook.com/onccnews/
