全城瘋狂撲口罩，藝人張栢芝亦唔例外，今日就搶到三十個，栢芝喺社交網上載了一段短片，就話一早起身去排隊買口罩，由於一人只可以買十個，佢哋三個人，最後買咗三十個，點知離開前見到有啲老人家冇，佢都好有善心，派咗畀佢哋。成段片喺佢架車上拍攝，佢仲拍埋上車前要用消毒用品噴對鞋底，預防功夫做到足。
另外，藝人姚子羚參與慈善機構舉行嘅派物質活動，佢今日親自落區向老人家派口罩、清潔用品及食物，仲留言：「大家捐贈的口罩、酒精搓手液、餅乾等物資送到『伸手助人協會』和『香港失明人協進會』，雖然只是小小心意，但看到這些老友記的笑容，讓我過了一個有意義、有愛的星期六。」除咗派禮物，佢仲好有耐性同老人家傾偈，慰問一番。
東網網站 : https://on.cc/
東網Facebook專頁 : https://www.facebook.com/onccnews/
