藝人Angelababy同黃曉明嘅囝囝「小海綿」早兩日3歲生日，Baby就喺社交網上載咗同小海綿慶生嘅相，仲為阿仔安排咗同偶像鹹蛋超人見面添，不過多張合照中都唔見黃曉明現身，加上曉明去到第二日先至留言轉發賀阿仔生日，黃曉明嘅無心舉動卻引發二人婚變傳聞傳得更加激烈，不過，原來當日黃曉明身在現場，據生日會嘅攝影師爆料，當時嘅鹹蛋超人正正就係黃曉明本人！
黃曉明社交網留言：「永遠做你的奧特曼（港譯鹹蛋超人）！」其實已埋下線索，小海綿生日會嘅攝影師向網友透露，佢當時係專影Baby本人，而當日為小海綿舉辦嘅三歲生日會，黃曉明包咗全場，謝絕媒體進入，基本上生日宴都係「自己人」，但黃曉明依舊未有選擇露臉，反而同老婆、小海綿合照都係以超人造型示人，不過該攝影師就再三肯定個鹹蛋超人就係黃曉明，從頭到尾都冇露臉嘅佢更叫人影多啲老婆添，今次真係多得呢位攝影師爆料，Baby同黃曉明轉玩低調晒恩愛，令二人婚變謠言不攻自破。
東網網站 : https://on.cc/
東網Facebook專頁 : https://www.facebook.com/onccnews/
