「大美人」鍾楚紅（紅姑）尋日60歲生日，而好友蘇施黃（阿蘇）就為佢慶祝！兩人每年都會一齊慶祝，事關阿蘇係今日生日！阿蘇尋晚為壽星女送上布滿花花嘅生日蛋糕，而紅姑見到個蛋糕開心得打開雙手，笑到見牙唔見眼，佢就送番禮物畀阿蘇！阿蘇又上載幾隻鮑魚相，不過原來係玉嚟，非常誇張！
佢又透露：「壽星女近年學日本『金繼』。越（愈）嚟越（愈）叻，手功非常好👍睇吓佢d（啲）手藝 」而金繼係日本嘅傳統手工藝，喺破損嘅陶器上塗上天然金漆修補。網民都大讚紅姑果然係女神，好有氣質，「登六」嘅佢仲係咁靚！
東網網站 : https://on.cc/
東網Facebook專頁 : https://www.facebook.com/onccnews/
