藝人鄧麗欣和林雪為ViuTV全新節目《萬人幫拖搞個唱》擔任嘉賓，節目以真人騷形式紀錄火火（李家榮）及KB（李健宏）由組隊到開演唱會的過程，見證眾人相助的成果。二人組成的業餘中佬組合「雙龍出海Double Dragon」早前順利舉行《萬人幫拖演唱會》。而明晚（21日）播出的第2集，講到KB、火火決定出術，邀請圈中好友拍宣傳片。
二人先「搲」林雪客串拍宣傳片，林雪接到二人來電，即刻問「你幾時拍呀？」惟一直度不到檔期，未能現身幫拖。KB、火火亦有向好友鄧麗欣（Stephy）埋手，KB指鄧麗欣是個非常有義氣的朋友，以前成日「碌卡」都會找她。二人想到與鄧麗欣拍最膾炙人口的電影《鐵達尼號》（Titanic），KB搞笑交代選拍《鐵》的原因，他說：「裏面有好多英文㗎嘛！如果Stephy做都會幾好笑吖！因為佢曾經發生過，佢畀人笑，每個人都有過去，我覺得幾得意吖！」
東網網站 : https://on.cc/
東網Facebook專頁 : https://www.facebook.com/onccnews/
