今日網上瘋傳一條影片,警務署署長鄧炳強出席晨曦足球隊和明星足球隊飯局,鄧炳強上台興奮發言,台下藝人包括有成龍、曾志偉、譚詠麟、方中信、盧惠光、林國斌、衛志豪等人。
片段一開始方中信和林國斌舉手叫大家「唔好錄唔好錄!」然後鏡頭一轉看到鄧炳強在台上說到:「首先多謝晨曦同明星足球隊同我哋踢波食飯,同埋多謝警隊兄弟,因為佢哋真係好撐我。另外今日我好興奮,因為我見到好多偶像,由成龍大哥到Alan(譚詠麟)到志偉到阿Ben,全部都係我偶像,所以我心跳得好緊張。其實點解我區議會講嘢咁叻呢,因為就係聽志偉嗰啲《開心字典》(Alan:「我好危險喎咁樣」),另外其實我做警察係學成龍大哥、方中信,全部學你哋,我唔知點做警察,睇吓睇吓就識做。另外今日我其實好憎你(指Alan),因為我老婆鍾意你多過鍾意我,無辦法,我都鍾意你。今日真係好多謝咁多位踢波嘅朋友同埋演藝嘅朋友,其實大家係老友,全部在心中唔使講嘢,只要你哋畀個手指公我哋,赴湯蹈火在所不辭,多謝晒。」
另外一條片段中,成員大哥在台上發言,叫大家一起上台唱《朋友》,他說:「不管我們是哪一個階級、哪一層,我們都是朋友。」曾志偉、藍校長、成龍和鄧炳強一起合唱。
撰文:機