前港姐季軍陳雅思（Bonnie）醉心瑜伽，除早前考獲瑜伽導師牌，近年設立瑜伽平台，希望發放正能量：「呢個平台我想整好多年，因為近來氣氛都唔係幾好，再加上大家留多咗屋企避炎，所以我想大家喺屋企都有活動做吓，跟住我哋啲片做運動，同時可以有一個健康飲食，加埋護膚。」
Bonnie話呢個平台只係用咗幾個星期籌備完成，因為要處理短片同埋文章，雖然有壓力，但都好有成功感，故日前舉行一個小型派對，慶祝平台推出：「其實好多朋友好耐冇見，所以趁呢個派對見吓佢哋，同大家食吓Lunch做吓瑜伽。好開心我嘅朋友嗰日咁支持我。（心情？）都緊張，因為呢個平台係我一個好大嘅Project。」
東網網站 : https://on.cc/
東網Facebook專頁 : https://www.facebook.com/onccnews/
