去開首爾自由行的朋友都知道要常備T-Money,它就似香港的八達通,搭地鐵、巴士,甚至購物都用得上。不過弱弱的Sally每次回鄉都會大頭蝦,經常唔記得隨身携帶……次次用₩4,000買張新的令我收埋收埋有成幾十張,屋企都唔夠位擺(哭)。韓國旅遊觀光局為了方便旅客,最近就推出了「KOREA TOUR CARD(Tmoney)」應用程式,大家單用手機都可以搭車又搭船。
其實相關的應用程式一早已經有,不過就只供檢查餘額或以信用咭增值之用,可以當T-Money直接「嘟」都是首次。程式主打旅遊觀光客,提供中、英、日語版,不用擔心睇唔明韓文。而手機版同樣享用到實體版KOREA TOUR CARD 196個品牌優惠,當中包括購物與景點入場費的折扣券。然而大家要注意程式只支援具有NFC感應功能的手機,換言之只有用Android系統的朋友先用得。
KOREA TOUR CARD(Tmoney)下載網址。