連詩雅嘅師妹黎紀君（Christy）早前參加咗個真人騷旅遊節目，去到西澳拍攝，喺8日內簽咗4張生死狀，令Christy大叫好難忘︰「全部都係極限活動，講真如果唔係拍節目我都真係唔會冒險去試。」例如有跳降落傘、同海豚游水，Christy再自爆同海豚游水嗰陣發生小意外不慎見血︰「被教練個防鯊器電到我，另一個就係爬山崖，講緊嘅係教練得5分鐘訓練我，就要我自己爬落去，喺嗰個節目都經歷好多，好似衝破晒啲框框咁，最後真係喊晒，但成功做到好開心。」
講到2020年工作上安排，Christy希望可以嘗試拍戲、拍劇、唱歌，捉緊每個機會，至於愛情上，佢怕醜話順期自然︰「開咗蛋糕店就Focus晒落去，冇諗太多。（有意開第二間？）當然想，好想繼續擴展，但都想做穩呢間先，要打穩陣腳。」
東網網站 : https://on.cc/
東網Facebook專頁 : https://www.facebook.com/onccnews/
