當你年紀愈來愈大，你就會愈來愈明白時間等於金錢呢個道理，人生在世幾十年，每分每秒都應該用得其所，如果你都係呢種做任何事都講求效率嘅人，呢個剪指甲神器就啱晒你！相信大多數人平時剪指甲都係逐隻手指去剪，換句說話如果你雙手手指健全的話，你就要分開10下或以上去剪指甲，但而家就有人發明咗呢個慳水慳力嘅懶人精選「4倍速」指甲鉗，只要你將手指對啱位置，就可以一次過剪到4隻手指嘅指甲（如果可以連埋大拇指就更加無敵），一雙手計，你就足足慳咗6下剪指甲嘅時間，如果每剪一下指甲要用2-3秒時間，呢個指甲神器就足足幫你慳到成12-18秒啊！係咪即刻覺得有賺先？
東網網站 : https://on.cc/
東網Facebook專頁 : https://www.facebook.com/onccnews/
