食即食麵加滾水浸泡是常識吧，即使係撈麵，都要先以熱水浸泡再倒走泡麵水才下配料撈勻嚟食，日本最近有品牌竟然推出唔使加熱水都食得嘅即食麵，齋聽都覺得神奇。
這款名為「ペヤング 中華風そのまま皿うどん」嘅即食麵，其實係一款類似香港常見嘅肉絲炒麵嘅麵食。打開盒會見到一個炸麵餅及一包配料，用料包括洋葱、紅蘿蔔、豚肉等，仲要標榜全部用上國產食材調味製作。食用時只需從膠袋取出麵餅，放回盒內，將配料包打開倒喺麵上即可食用。官方仲話如果想食味更佳，可以將配料直接放入滾水煮佢3至5分鐘，之後取出倒喺麵上面就食得。好唔好食就見仁見智，貪新鮮嘅試下無妨，每個售價約為385日圓。
東網網站 : https://on.cc/
東網Facebook專頁 : https://www.facebook.com/onccnews/
