「我覺得件事好緊急，我實在係忍唔到落去啦，我覺得我作為個正常人，有少少良知，都忍唔到落去啦，我想盡快過嚟。我覺得就算我力量好微小，但我都想盡力支援。」
於是，在廣州土生土長的Simon，隻身一人坐高鐵到深圳，再來港參加今晚在尖東舉行的理大人道救援祈禱會。
「我唔係教徒，今日過嚟原本想睇下有冇其他咩活動，你知道，呢兩日啲手足都好攰，因為理大事件。手足付上嘅代價好沉重，好多手足被拉，我哋元氣大傷。從網上嘅資訊我得知今晚有呢個集會，所以我就過嚟囉。」
還未買回程票的他指，內地人最多只能留港7天，但他將會每一日都參與支援行動。
七月來港參加遊行 一下子connected
Simon自六月開始關心香港的運動。原本就對內地媒體抱著不信任態度的他，讀到有關6.12金鐘衝突的報導後，決定「翻牆」接觸更多資訊以了解事實真相。他隨後發現內地對香港反修例示威的報導均「反轉嚟寫」，便在朋友圈上為香港的示威活動作解釋，又決定親自來港參與 7 月 14 日的沙田遊行。誰料，一來港，便和港人一拍即合。
「嚟到（香港），我發現自己同呢到大部分嘅人嘅思想、精神、價值、所爭取嘅嘢咁相似，我覺得我哋係同一種人，當我發現我哋呢種類型嘅人咁樣被人打壓，我就會覺得，我過咗嚟為佢哋做野、為佢哋發聲，就係為自己做野、為自己發聲。」
Simon 自此一下子便與香港的示威者Connected，下載了Telegram，加入了不同的香港群組，甚至成為連登仔。
「我連嗰日（沙田遊行）嘅海報都帶咗返去（廣州），真喺捨不得丟，一頭熱就帶了，好彩個日（過關）夠lucky。」
為良心 來港支持被困理大手足
一直關注香港事態發展的Simon，自然留意到近日在香港的大學發生的事件。
「理大事件之前就係中大事件，中大事情睇到我好震驚，啲警察可以咁公然地用咁強大嘅武器去攻擊一個學校，呢個係國際社會裹面，都係令人髮指。然後，佢哋對峙咗咁耐之後，啲黑警收 order 撤咗，當時我天真地以為發生咁大政治代價之後，無可能重新再嚟一次，點知幾日後，就發生理大呢件事，我個心真係好難受好難受。」Simon 哽咽地道。
「我唔想將來仔女問我有冇為公義發聲個時，我答唔到佢，我想做個好榜樣。」
想要做更多的他，獨自來港，並非真的全無顧忌。
「我自己都擔心過，包括我喺網上都知，有呢啲為咗自由、正義發聲嘅人，喺內地受到咩不公義，但係如果我去懼怕呢啲白色恐怖嘅話，我覺得我會對唔住自己嘅良心。」
由於現場祈禱會已近尾聲，記者與Simon交換聯絡方式時，發現Simon的Telegram帳戶名字，居然直白地和香港抗爭口號掛鉤，他尷尬地表示：「喺呀，轉咗好多次，場運動越嚟越激，我都一路跟住改個名。」
守護言論與新聞自由。立場新聞，寸步不退。
每月贊助支持立場新聞
留言 (0)