樂隊After10現身電台宣傳新歌《不許於這旅途嬉戲》，三子表示新歌為香港人打氣：「平時有咩唔開心都死頂，會影響心理問題，搞到有情緒病，我哋三個年頭都陷入低潮期，Band房因為土地問題被迫搬遷，原本首歌想年頭出，都要等到依家，希望首歌就好似樹窿咁，畀大家療傷、紓緩壓力。」
講到MV，主音陳永康及低音結他手阿豐就大爆是鼓手阿偉的福利，跟女主角有親暱舉動，包括攬攬錫錫、床上戲，身旁的阿偉就大呻是被迫：「最尷尬係同個女仔識咗好耐，佢本身着得好性感，我好直接同佢講『收番埋少少』。（錫咗邊度？）額頭，導演迫發我嘅潛能，又要我喊，最後出齊眼淚、鼻涕。」
東網網站 : https://on.cc/
東網Facebook專頁 : https://www.facebook.com/onccnews/
