現年25歲陳曉華（Hera）由中大校花晉級2018年港姐冠軍，絕對係樣靚身材正，係好多宅男心目中嘅女神！身高170CM，三圍有33、24、35嘅Hera身形fit到爆，但她就自爆繼《食腦喪B》後有一段日子冇工開，加上疫情下少咗出外，比起選港姐時體重重咗10多磅，為咗拍新劇《七公主》，𠵱家要勤做運動，跑步、打拳、行山、健身嚟減肥。
昨晚陳曉華喺IG上載咗張運動相，著住運動top加緊身運動褲嘅Hera，喺擂台上做出一字馬動作，相中Hera體態相當優美，除展現完美身外形外，還有一雙貼地長腿，呢位「一字馬女神」十分吸睛。她留言：「Learning how to deal with the pain.(學習如何處理痛苦)」唔少網民大讚她好勁，又叫hera加油，支持她。
