喺疫情爆發下，早前就引起唔少人搶廁紙同米，當時就有唔少人呼籲大家冷靜，但市面仲未回復正常，有市民屋企更被影到變廁紙「貨倉」，非常誇張！喺一紙難求下，陳智燊（Jason）都忍唔住出聲，上載咗張坐喺馬桶，拎住個廁紙筒，無奈地笑嘅相，用英文發咗篇名為《Time to Panic》（恐慌時刻）嘅文，佢話買12包廁紙嘅人係瘋狂，唔理性嘅恐懼盲搶米同紙只會令更多人無法獲得佢哋所需嘅物品！佢又呼籲大家提醒父母同親戚唔好買超過所需嘅，覺得老一輩嘅人會更容易發瘋！
佢又向大家「求救」，問有冇人可以話佢知邊度唔使排隊幾個小時，可以買到以上兩樣嘢呢？佢想影張廁紙相好耐喇，哈哈哈！而佢又祈禱，希望所有香港人安全回家，新冠肺炎患者早日康復，大家要照顧自己同互相照顧！
東網網站 : https://on.cc/
東網Facebook專頁 : https://www.facebook.com/onccnews/