藝人吳岱融出席活動，提到太太鍾淑慧在網劇《PTU機動部隊》演出，他稱未有時間看，但對她演出有信心。問到拍攝前太太可有拿劇本給他過目指教？他笑言：「冇畀喎，不過傾偈時有講嘅，知佢都演得幾滿意，我都係佢教出嚟！（佢教你做戲？你真係識氹老婆！）兩夫妻係應該要咁嘛。」問到可抗拒夫妻檔演出？他謂：「呢行冇得話抗拒嘅，咁有啱角色合作又何妨！（演對立都得？）仲好玩，情侶呀，對立呀，平時都做開啦！」
另外，講到許紹雄疑似在微信向異性發露骨說話被截圖，吳岱融即謂：「 唔會啩，佢千年道行。（一朝喪？）咁我真係唔清楚，因為都係你哋問先至知，咁依家科技其實係咪畀人特技改圖呀？」他坦言有時都有女網民留言向他示愛，但通常他會禮貌答句多謝，或合十圖案，至於網民留露骨言詞，他就不會回答。
----------------------------
東網巨星開咗ig喇，大家快啲follow啦！
https://bit.ly/2JjSVcr
東網網站 : https://on.cc/
東網Facebook專頁 : https://www.facebook.com/onccnews/
