被鄭嘉穎囝囝融化 唐詩詠抱B勁緊張

鄭嘉穎和陳凱琳（Grace）日前為囝囝鄭承悅（Rafael）搞百日宴，曾與嘉穎拍攝劇集《鐵馬尋橋》的家族成員唐詩詠﹑馬國明﹑黃嘉樂等亦有出席。詩詠在社交平台分享照片，高興表示，「Our BIG family 多咗一個小人仔💚承悦💚」。大合照中，嘉穎抱着的承悦也一同望向鏡頭，十分精靈。
不過，詩詠就似乎被承悦難倒。她說：「我知我唔識抱，佢個樣應該係舒服啩？﹗買BB衫仔真係好難，買啱size又驚著得唔耐，買大少少就變成咁，但你又著得好靚仔喎，同我又好襯喎！我個心畀你融化咗啦」。