藝人吳業坤為無綫節目《娛樂大家10點半》補拍，興奮表示獲前輩汪明荃送贈消毒噴霧，他說：「今朝收到化妝間同事通知時覺得好驚喜，個包裝袋仲有Liza姐親手題字，寫住『煩交』吳業坤，覺得很好笑，個袋我都唔捨得丟。（會否叫Liza姐親自幫你噴？）又唔好，見佢同老公咁恩愛，唔好意思嘅，不過都好開心入行以來，得到唔同阿姐愛惜（咁咪好有長輩緣？）大家都好有我心。」
口罩回禮
對於曾以「阿燕」來稱呼薛家燕，問到他有否膽量以「明荃」呼喚汪明荃？吳業坤笑說：「又未到呢一步，不過真係好窩心，以前會驚，依家就心入面驚，大家少咗隔膜。」更指從車廂入邊拿來日本口罩，作為汪明荃贈送噴霧的回禮。談到他身形健碩不少，吳業坤透露近日於家中頻頻上網學健身及練日文。
對於關淑怡宣布退出樂壇，吳業坤坦言消息突然：「第一次聽佢唱現場已經覺得佢好犀利，如果真係退出樂壇，我都幸運做過佢嘅演唱會嘉賓，當然尊重佢嘅決定，最緊要開心同冇壓力。」
東網網站 : https://on.cc/
東網Facebook專頁 : https://www.facebook.com/onccnews/
