—藝人袁偉豪(Ben)及黃智雯(Mandy)為舞台劇《今晚打老虎》綵排,問到演出舞台劇難不難?Mandy表示:「因為場地大過錄影廠好多,同埋袁富華提醒我哋要散發energy,要最後嗰行嘅人都feel到,所以要調節。」Ben亦謂舞台劇有一定的難處,但都是與平時拍劇差不多。講到舞台劇不能NG,他謂:「都係,同埋每次出場前都會緊張,會想去廁所,同埋獨腳戲唔記得對白要靠自己兜,有對手就可以靠佢幫幫手。」
Mandy就表示有場戲會與Ben在閨房,又唱又跳,跳雙人舞,很多身體接觸,她表示:「記得拍《三個女人一個「因」》時同佢即時諗動作跳舞嘅場口,有少少辣身舞,所以唔擔心今次都有身體接觸。」問到今次尺度去到邊?Ben笑言:「同Mandy夾呢啲身體接觸戲我又冇乜所謂,我應該講聲多謝添,益晒啲老友。(使唔使同女友張寶兒備案?)唔使啦,可能佢日日坐到最遠個角落監場。」Mandy又叫Ben露肌肉:「你拍《使徒行者3》train咗啲肌肉,唔好吝嗇。」Ben笑言:「冇呀,show你個頭。」Mandy即笑言:「舞台上咩都有可能發生,你打定底。」Ben即還擊:「你小心啲。」
東網網站 : https://on.cc/
東網Facebook專頁 : https://www.facebook.com/onccnews/