香港踏入盛夏季節，當造水果品種亦最多，逛開街市的果檔，就會發現來自不同產地的合時生果，包括每年8月開始，正值時令又好吃的榴槤，喜歡吃榴槤的人，要品嘗其軟甜及獨特的香氣，就要識得揀個靚榴槤。原來揀榴槤都有不少秘訣，沙田一間果檔的負責人指，由於泰國榴槤不是樹上熟，在揀泰國榴槤時就要分外注意，先要由榴槤的形狀及顏色入手，剛剛熟的榴槤呈淡綠色，太黃或太青BB的，都代表果肉太熟又或者未夠軟熟，形狀就最好圓渾飽滿，不要凹凸不平，一邊大、一邊細。
而榴槤外殼的邊位，就代表個榴槤多不多肉，另外可聞下個榴槤有沒有香味，太重味的話代表已經過熟，完全沒榴槤香，就即是個榴槤未夠熟。此外，不妨在揀榴槤時，試下將兩粒榴槤釘拍埋，如果輕易將兩粒釘拍埋的話，就代表個榴槤剛剛夠熟，質感自然軟硬適中，味道亦夠香甜。最後果檔負責人還教大家開榴槤的技巧，只須將刀放在榴槤的尾部，輕力拗開即可取出榴槤肉。
東網網站 : https://on.cc/
東網Facebook專頁 : https://www.facebook.com/onccnews/
