藝人黎振燁有份參演無綫熱播劇《機場特警》。戲中角色酷爆愛操肌，現實生活中他卻是暖男一名，經常為太太製造驚喜，早前趁住新冠肺炎疫情仍未險峻，二人拍拖出走英國10日，本來是浪漫之旅，想不到首天便出現「意外」，令他們大感無癮。
他說：「到酒店放低行李就出去遊覽，點知晚上返去發現，其中一個行李箱有被撬開過迹象，拉鏈扣仲爆咗，即刻同酒店聯絡，發現係執房嘅人所為，不過執房嘅工作係外判嘅，嗰個賊仔已逃之夭夭，好彩嗰個箱只係放咗衫褲，冇乜值錢嘢。」雖然沒有甚麼損失，他指太太心情已頓時低落，購物欲大減。
此時最他最開心的是親身到球場睇波：「出發半年前已購票，但都高過市價三千幾蚊先買到，點知開場前票價再炒高一倍，我真係覺得算好彩，況且場波好精彩，真係值回票價嘅。」
東網網站 : https://on.cc/
東網Facebook專頁 : https://www.facebook.com/onccnews/
