近日唔少人由於喺家中「避炎」太耐，都紛紛走到郊外「放風」呼吸新鮮空氣，圈中女星亦唔例外，佢哋行山之餘，亦以性感打扮上陣大派福利。
組合Super Girls成員Aka（趙慧珊）就喺社交網大晒行山相，見佢着上白色運動Bra Top，勁騷白滑玉背及腹肌線條，不過就被網友指其身形太削，而佢亦透露因為患上腸胃炎，食咗白粥三日，所以先略顯消瘦，嚟緊會食番多啲嘢，等大家唔使擔心。此外，佢更喺山上遇上野豬，但就完全唔驚反而覺得野豬好可愛，認真大膽。
另邊廂，無綫藝人吳嘉儀亦喺行山同時大騷美好身段，見佢以高抄輕露「線頭」，甚有睇頭。而佢亦不忘提醒大家郊遊同時，要注意環境衞生：「記得注意清潔衞生 唔好亂拋（漏低）垃圾、口罩。」
東網網站 : https://on.cc/
東網Facebook專頁 : https://www.facebook.com/onccnews/
