韓國人氣男團EXO由上周五起一連三晚在泰國曼谷開騷，有粉絲昨晚上載在酒店門口拍得的片段，並指成員伯賢似乎因為太過勞累而身體不適，大表心痛：「我要癲啦，佢自己落唔到車，要保安扶住出嚟，求吓你哋畀伯賢好好休息啦，我真係嚇親呀。」
片中見其他成員都自行下車，但到伯賢下車時，保安就立即上前扶着他，令粉絲都十分擔心，不少粉絲紛紛在社交網發文，指伯賢在7月推出Solo碟《City Lights》後，一直忙於打歌及開騷，沒有時間休息。
不過其後伯賢就在Twitter解釋：「好多人擔心我，其實我係因為喺車裏面覺得腳痺，所以先畀人扶住出嚟，大家都知道腳痺會行唔到吧？真係好瘀。」
東網網站 : https://on.cc/
東網Facebook專頁 : https://www.facebook.com/onccnews/
