藝人錢嘉樂與黃智雯為無綫節目《娛樂大家》錄影，二人正為下月公演的舞台劇《今晚打老虎》排練，嘉樂表示面對舞台經驗豐富的羅冠蘭、演藝畢業的楊詩敏及黃智雯，自己絕對是新人，故懷住謙卑心情學習，更說：「我入面要唱歌，記對白都未搞得掂。（有冇爆肚？）少少，導演潘嘉德搵我都唔想我一字一句照稿讀，羅冠蘭唔鍾意㗎，但都要接受我，尋晚排練時佢將我啲爆肚位剔晒，之後叫我唔好再加，驚演出時接唔到。」
而智雯被問到可接到嘉樂的爆肚對白？她笑說：「都接到，我平時鈍啲啫，但一上台就嚟料，我覺得早兩日喺慈善節目都表現得幾好。」
此外，嘉樂對於老友陳小春宣布太太懷第二胎，他表示已向對方求證：「佢懶巴閉咁，依家係『大春』啦！真係勁嘅！」
東網網站 : https://on.cc/
東網Facebook專頁 : https://www.facebook.com/onccnews/
