大陸女星吳謹言憑《延禧攻略》劇上位，佢同劇中飾演「弘晝」和親王嘅洪堯去年就傳出撻着，二人被發現有大量情侶裝，更被傳同遊峇里度歲，雖然吳謹言斷言否認，點知到咗今年，二人又再被網友發現多個蛛絲馬迹，似蜜遊三亞，仲要故意分開不同時間上載新相，最後都係被眼利網友指出大量相同之處。
本身洪堯1月底就已經去咗三亞，當時佢就被網友偶遇喺後海一帶活動，而吳謹言喺2月6日上載嘅動態竟然同洪堯喺2月15日上載嘅視頻背景一樣，深灰光滑地面、黑色踢腳線加埋白牆，真係似到十足十。之後喺在兩人分別晒出嘅動態中，二人身處嘅室內裝修風格重合非常多，搞到唔少網友都推斷兩人疑似住同一民宿。
東網網站 : https://on.cc/
東網Facebook專頁 : https://www.facebook.com/onccnews/
