藝人李漫芬（Fanny）早前無懼新冠肺炎，與圈外老公Alvin及囡囡談在心，帶同媽媽和奶奶，一行五人到泰國旅行，不少朋友話她扶老攜幼照出埠，十分大膽，她說：「呢個係計劃咗好耐嘅行程，一直想帶媽咪、奶奶同心心去泰國，冇諗過要取消，但都好小心，基本上，任何時候，除咗食飯和酒店房內，全程都帶住口罩，唯一唔太敢去游泳池游水，心心喺房玩水泡當游咗水。」
她說Alvin懂泰文，聽按摩姐姐教路在當地搜羅口罩，她說：「按摩姐姐教我哋去平民區先買到，不過數量唔多，只係買咗一百個左右。」未滿兩歲的心心，坐飛機十分乖巧，深得空姐和空少歡迎，Fanny特別感謝兩老幫手看管囡囡，放她和老公兩個小時私人時間往拍拖，已十分滿足。
東網網站 : https://on.cc/
東網Facebook專頁 : https://www.facebook.com/onccnews/
