圈中出名嘅閨密團「胡說八道會」,成員胡杏兒、胡定欣、胡蓓蔚、姚子羚、李施嬅及黃智雯等不時都會相約聚會,但過去嘅大半年一直都唔齊人,唯獨欠缺黃智雯。
好多網民都問智雯係咪離咗隊,尋晚佢哋六位終於「世紀合體」,咁難得當然要影大合照留念,由原本五人悶悶不樂,直到黃智雯歸隊,個個都即刻笑晒口!
佢哋咁耐冇見智雯,梗係要傾番夠本,連兩子之母嘅杏兒都留到凌晨三點,仲話:「終於齊人 傾到3點 我要返屋企湊仔」。
東網網站 : https://on.cc/
東網Facebook專頁 : https://www.facebook.com/onccnews/