肥媽（Maria Cordero）不時都會同老公Rick飛來飛去環遊世界，不過近日肥媽就突然在Facebook拍片自爆早前由英國飛往馬來西亞的過程中幾乎遇上空難，更在鏡頭前面激動爆喊。
片中肥媽就提到自己早前跟老公由英國飛去馬來西亞時，飛機起飛不久，機長就表示引擎因為撞到小鳥而導致機件故障，只可用一個引擎降落，幸好飛機安全落地，而他們就要折返被迫留在倫敦多一晚。肥媽表示：「真係好驚好驚……人真是很脆弱，好彩老公喺度，唔係我已經喊咗，真係好好彩。」
之後肥媽回到馬來西亞後，又發現自己將老公的呼吸機留在機上而感到自責：「頭先可能我同老公唔夠瞓，一落機匆忙得濟，漏咗老公的呼吸機同藥，全部漏低喺飛機上面，我太大意了….. 我太唔小心了….. 未必所有人會知，因為老公有病的關係，肺同呼吸其實唔係咁好，所以呼吸機同藥有起事上嚟係要嚟救命，所以依家活多一日其實都賺咗。」幸好機組人員幫手找到丈夫的藥物，令他們平安。
