藝人陳家樂為宣傳主演的賀歲片《我的筍盤男友》，不時拍片大玩女友視角，隔空向粉絲講「土味情話」冧女，之前佢就喺鏡頭前戴眼鏡，話最近視力變差，因為除咗粉絲之外咩都睇唔到，真係冧到爆！
呢日佢再出招，片中見佢深情望住鏡頭，模擬同「女友」嘅對話，指對方眼入面有啲嘢，因為「眼中有佢」咁話，相當骨痹，就連家樂自己都頂唔住，留言話係被逼拍嘅，仲叫大家一齊負評，等佢甩難唔使再拍：「信我……我同你哋睇完嘅反應係一樣……當有一百個留言，逼我拍嘅人就會停手，請大家踴躍留言。我係被逼嘅，請幫幫手救救我。」
東網網站 : https://on.cc/
東網Facebook專頁 : https://www.facebook.com/onccnews/
