23歲的范莎莎與張雯，分別是2019年亞姐香港區季軍兼最上鏡小姐及香港區亞軍，二人同肖鼠，對於鼠年沖太歲，她們齊齊畫鼠畫，創意又應節，范莎莎本身是基督教徒，但很有興趣了解農曆新年的過年習俗：「聽講如果想財運好啲，今年要飲多啲南瓜湯同食金色奇異果，對我哋肖鼠會有利，（諗住年頭食到年尾？）有機會都會食多啲，本身食物對身體都好，我仲會去捐血洗牙，呢啲應該做得到。」張雯話要跟風，吃多點「金仔」，入廟拜神為求平安。
對於亞視搞網紅培訓學院，兩隻老鼠女直言會加倍努力，望闖出一片天，要大紅大紫。本身修讀酒店管理的張雯，笑言想做酒店試睡員：「我同普通女仔一樣鍾意食嘢、扮靚，對酒店試玩試食好有興趣，（想試住唔同酒店？）有冇酒店試睡員，如果有都幾好，我想做。」
而在歐洲長大的范莎莎表示已走過大半個歐洲，但未踏足過美洲及澳洲，志願想做旅遊達人：「想同唔同旅遊局合作，本身好鍾意接觸唔同文化同背景嘅事物，去到世界各地，同時可以宣傳香港，令香港更加多人識。」
東網網站 : https://on.cc/
東網Facebook專頁 : https://www.facebook.com/onccnews/